يـأآآدآآر ويـن ..آآلي آآحبـهـ..؟

 

يـا دار ويــن اللـي أحبــه و أداري..ويـن الذي تحيـا حياتـي بشوفه

ويـن الـذي يـا دار قلبـــي يسلّيه..عقبـــه غــدت يـا دار ليـّـام عوفه

  

محـدن لفانـي الخبـر جـاب طاريه..عييت كثر أسأل و نفسي شغوفه

بين الرجا و الياس أوقف و أناديه ...عل و عسى ياخذ فوادي بروفه

    

مشتاق له بالحيل يا دار وأفديه ...لو مرتن في العمر تسمح ضروفه

ودّي أحطّه في عيوني و أغطّيه ... ودّي أترجم نبض قلبي حروفه

     

ما يعيضني في دنيتي غالين فيه ... لو هالزمن حكّم و جارت صروفه

أصبر و صبري عذبتني لياليه ... أبكي على وقتن مضى بالحسوفه

   

للوقت بسمه و بسمتي يوم ألاقيه ... لو في ديار بعيـد ودي ألوفه

من ما جرى لي يكفي اليوم أبكيه ... و إن جارت الأقدار قبري يطوفه

 

 

يـاصاحبي ياللـي تقول أنك تباني مـا أبيك

مـاأبيك لـو تذرف عيونـك دم والله ما أبيك

خلك مع اللي بعتني لأجله تظنه يشتريك ماينشرى

مـن هـو رخيـص النفـس يـامـرخـص هــواك

فارج يعل العين ماتشوفك ولا تحسب اجيك

مـا اجيك لو ضامـي وريجي مايبله غير ماك

شفتك بعيني مع غيري وبكيت

نـاظرت عينـي عيونـك وأدمعت

أرتعش قلبي أبـا أوقف مـاقويت

ودي أكتم العبره و غصب أطلعت

ولاتحزن على غيري ترى جرحي مثل جرحك

مثـل مـاحبي الأول جبرنـي اليـوم حطمتـك

حبيبي الوافي أعذرني هجرتك قبل تهجرني

تـركتك لليالـي ورحـت ولا ودي تذكرنـي

يتعذب ما تعذب ... يحترق ولا تغرب

حب غيري ولا ماحب..عادي وبلقى بديله

يتحرى مني أسال..هذي في حكمه مؤجل

بلغه أني كشفته وكلن .. يرووح في سبيله

سوي اللي براسك ولا تذكر اسباااب 

لا صـرت بـايعنـي تـو كـل علـى الله

مـابينـي وبينـك مشاريـه ولا عتـااب

شـوف دربـك اللـي جيـت منـه تدلـه

والـله مـاتغلبنـي لـو الحـب غـلاب

مـن حظرتـك عشــان قلبــي تذلـه

اول ايام المدرسه

طبعا كنا فرحانيين نتريى المدرسه متى بتبدأ , واول يوم داومنا فيه      توقعنا كل البنات بيداومون ومشتاقين حق المدرسه مثلنا  المهم يوم سرنا المدرسه ومادري كيف عدا هذاك اليوم .....ربع المدرسه مداوم والمدرسه ااااااف منها شكلها مايساعد العمال يشتغلون هناك وصفوف حاااره والحمامات (الله يعزكم) البيبان مكسره والماي يصب حلا والاداره اظني ماحدفيها اللهم كم مس مداومه وهن اشكالهن قتولون مغصوبات على انهن اين المدرسه بس شو نسوي  صبرنا  يوم ردينا البيت ماخلينا سبه وما سبيناهم فيها(الله يسامحنا ان شالله) وثاني يوم غبنا وياليتنا ماغبنا سمعنا  ان كل البنات داومن  وكان وناسه ..... وعاد نحن  يوم داومنا مثل باجراوووف على المدرسه البنات الحلوات والمسات الحلوات اللي لهن نفس يداومن والمديره اللي كل شي عندها فري بس اللاسف سوو حق المدرسه كلها اجتماع و يقولون قوانين المدرسه عاد نص المسات مايصدقن طاحن سب فينا وكان صفنا اشغب صف في المدرسه والمسات كلهم حاطات عيونهم علينا ومس الرياضيات يديده ماصدقنا انها يت علا خير وبروحنا متأخرين طلعت من عندنا تقول (انا شكلي بقدم استقالتي) ......أما مس العربي تدخل عصها في شي مايخصها وتحب تسوي مشاكل مع البنات حتي اللي واقفين براا مايسلموون من شرها  اما بعض باقي المسات المواطنات نستحي منهم .... وصدق يدرسوون من الخاطر أما مس التاريخ مواطنه يالله تقهر  اي بنت تقووم تجاوب تقولها عندج خووات ..شو قبيلتج .. عاد احلا شي في صفنا بنتين يحبون بعضهم من سنه والله حطهم في صف واحد لو انا مكانهم مابدرس... واحلا شي يوم كل وحده تتقفط قدام الثانيه ... والمشكله البنات اللي ماتبينهم معاج في الصف تلقينهم معاج والله يكون في عونا .... والحلو ان البنات اللي معاج في الابتدائيه تلقينهم في المدرسه ... ونحن في خاطرنا نروح تخرج ثالث وشكلهم بيحرمونا  ..... نحن صفنا الوحيد اللي يتحلفوله كل المسات ويهددونا بالامتحانات اصعبه هذا اول المدرسه عيل كيف آخرتها  ......  (سبحانك اللهم وبحمدك اشهد ان لا اله الا  انت استغفرك واتوب اليك)

          يتبع ... ....